Zanin aṭangin TT championship

Mizoram Table Tennis Championship vawi 30-na (Pearl Jubilee) chu zanin aṭang hian Mizoram Table Tennis Hall, Mis­sion Vengah khelh ṭan a ni dawn. Zirtawpni thleng neih tur he State Championship khel tur hian District Association leh club hrang hrang 16 aṭangin infiammi 188 an fuankhawm.

Mizoram Table Tennis Asso­ciation buatsaih he championship hi season kal laia MTTA hnuaia inelna hnuhnung ber a ni dawn. Category 18-ah inelna neih tur a ni a, State level Table Tennis in­elna zingah chuan kum khat chhunga a pui ber niin ran­king point pawh tour­nament dang let niin category tina champion ten point 180 ṭheuh an hmu ang.

MTTA hian tun hnaiah state chhung bakah natio­nal level thlengin sul­hnu an nei chho mek zel, nikum October thla khan 11Even Sports TTFI Na­tio­nal Ranking Table Tennis Cham­pionship chu R. Deng-­ṭhuama Indoor Stadium, Mualpui­ah a vawi khat nan an lo thleng tawh.

MTTA president ṭang­­lai C. Lalrinzuala chu March thlatir khan member pakua awmna Table Tennis Federation of India executive committe member atan ruat a ni. Lalrinzuali hi Mizoram aṭanga hetiang dinhmun luah thei hmasa ber niin kum 2012 thleng tur a ni ang.