Championship lam boruak a 'hot'

Championship-ah Premier League khelh tum boruak a hot chho hle. Inrinni zan khan Blackburn Rovers-in pahnihna West Brom an chelh a, 1-1 in an inhnehtawk. Pahnihna Brentford-in iPro Stadium luhchhuahin Derby County 3-1 a an hneh a, Baggies an phak lohna chu point hnih chauh a ni ta.

Nizan khan hmahruaitu Leeds United leh Swansea an inkhel a, result kan hre hman lo. Championship-ah hian a sang pahnih hi Premier League khel turin an tling nghal a, pathumna aṭanga parukna ten playoff an khel thung dawn. 

Leeds leh West Brom te Premier League khel nghal turin an dinhmun a him lo a, chutiang chiahin Preston North End, Millwall, Derby County leh Bristol City     ten playoff khelh an la beisei bawk.