Prati a thi

Italy international leh AC Milan striker ropui ni ṭhin Pierino Prati chu nimin khan a thi a, kum 73 mi niin Italian Football Federation (FIGC) chuan a thih thu hi an puang.

FIGC president Gabriele Gravina chuan, "Italian football chuan mi ropui kan chan leh ta. Prati hi player ṭha bik a ni a, striker class sang tak niin team zingah pawh a langsar a ni ṭhin," tiin a sawi.

AC Milan youth team chhuak a ni a, Milan tan hian 1967 aṭanga 1973 chhung khan match 143 khelh aṭangin goal 72 a khungsak. 1969 European Cup final-ah khan Johan Cruyff awmna Ajax an hneh 

ṭumin hattrick a siam.

Milan tan hian 1967-68 season khan Serie A goal 15 khungin league nomawi a chawi pui. Milan hi a vanglai a hmanna niin, league bakah hian Italian Cup, European Cup Winners Cup leh Intercontinental Cup a chawi pui bawk.