Mizoram âwl ni

Vawiin hian Santosh Trophy vawi 71-naah Group B team pali an inlan dawn a, Mizoram erawh an âwl thung ang.

Tilak Maidan-ah point la hmu lo Ma­harashtra leh Railways an inhma­chhawn ang a, GMC Bam­bolin-ah hmahruaitu nih inchuhin Kerala leh Punjab te an inkhel bawk ang.

Kerala hi Pathiannia Mizoram hmachhawn tur an ni. Santosh Trophy-a vawi nga champion tawh Kerala hian an match hmasa bera harsatna nei loin Railways an hneh a, Mizoram lamin an inkhel an zir uluk a ṭul ang.

Maharashtra-in semi­final beiseina nei turin Railways an hneh ngei a ngai dawn. Group match hnuhnung bera Mizoram hmachhawn tur Railways hian point thum an hmu tling lo a nih chuan chhiar­kawp dan thlapin bei­sei tur an nei tawh lo ang.

GROUP B
Vawiin Inkhel Tur
4:00 PM Kerala Vs Punjab
4:00 PM Maharashtra Vs Railways
March 19, Pathianni
4:00 PM Maharashtra Vs Punjab
4:00 PM Mizoram Vs Kerala
March 21, Thawhlehni
4:00 PM Railways Vs Mizoram
4:00 PM Maharashtra Vs Kerala
Team Dinhmun
# Team Pld W D L GF GA GD Pts
1 Mizoram 2 1 1 0 3 1 2 4
2 Punjab 2 1 1 0 2 1 1 4
3 Kerala 1 1 0 0 4 2 2 3
4 Maharashtra 1 0 0 1 1 3 -2 0
5 Railways 2 0 0 2 3 6 -3 0