San Antonio Spurs chungah Portland Trail Blazers
NBA regular season kal mekah Western Conference-a pahnihna dinhmun luah mektu San Antonio Spurs chu nimin zing khan Portland Trail Blazers lakah 110-106 in an tlawm.
AT&T Center-a inkhelah Blazers hian vawi 30 chakni hmel an hmuh theih nan Damian Lillard chuan court chhungah minute 34 hun a hman chhungin points 36 a score bakah rebounds vawi thum lain assists ṭum li a la bawk. Lillard bakah hian points 26 score tu CJ McCollum leh Jusuf Nurkic (16) ten an pui ṭha bawk.
Season duhawm hmang mek Spurs hi regular season-ah vawi 15 an chak lohna chiah a ni a, ṭum 52 hnehna chang tawhin anmahni aia vawi khata chak tam Golden State Warriors chiah tluk loh an nei.
San Antonio Spurs hian Pathianni zing dar 6:00-ah Memphis Grizzlies an hmachhawn leh ang a, Blazers hian zing dar 3:30-ah Atlanta Hawks an hmachhawn ve leh bawk ang.