Leicester tum chak lo Gianluigi Buffon

Juventus keeper leh captain Gianluigi Buffon chuan Cham­pions League quarterfinal-ah Leicester City hmachhawn a chak loh ber thu a sawi! Buffon-a khelhna Juventus hian quarterfinal lut turin Porto an hneh a, Foxes hian Sevilla an hneh thung.

Kum 39-a upa goalkeeper chuan, "Ka khelhpui chak loh ber min zawt dawn a nih chuan Foxes ka thlang ang. Team hlauhawm, an rilru zawng zawng nena khel ṭhin an nih avangin eng team tan pawh khelh an harsa a, anni hneh tur chuan theihna zawng zawng pek a ngai ang," tiin a sawi.

Juventus hian season nga chhung chu Serie A nomawi a zawnin an chawi tawh a, Champions League-ah vawi hnih champion tawhin an nomawi chawi hnuhnung ber erawh 1995-96 season kha a ni tawh! Pawisa inthapna lamah chuan quarterfinal lut zingah nomawi chawi tura beiseiah Juventus hi palina an ni.