ICC chairman a bang

International Cricket Council (ICC) chairman Shashank Manohar chuan thla riat chauh a nihna a chelh hman tihin banna a thehlut a, a ban chhan chu mimal thil a nih thu a sawi nghal bawk.

Kum 59-a upa Ma­nohar hi May 2016 khan kum hnih chhung atan ICC chairman ni tura thlan a ni. Board of Control for Cricket in India (BCCI) president dinhmun pawh vawi hnih lai lo chelh tawh chuan, "ICC hian hlawhtlinna duhawm zawk an chhar zel ka beisei," a ti.

ICC chuan Nilaini khan Manohar banna leh­kha hi an hmuh tawh thu an sawi a, Manohar-a banna chungchang an ngaih­tuah hma chu thu­chhuah engmah an siam theih loh thu an sawi nghal bawk.

Manohar hian cric­ket khawvela Big Three tia hminglem an pek England, Australia leh India te chu ICC executive committee-a an thuneihna tih hniam a lo rawt tawh a, February 2016 khan, "ICC aia lian zawk member tumah an awm lo," tiin a sawi a, April-a ICC ṭhutkhawm hunah khawvela cricket thuneitu sang kalphung thar duan chu ngaihtuah a ni ang.