Zaninah Man United kim vs Sheffield United kim lo

Manchester United-in zanin dar 10:30 hian Champions League khel tura an elpui Sheffield United an mikhual dawn. Blades goalkeeper Dean Henderson chuan amah neitu club a hmachhawn dawn avangin a inlan thei dawn lo a, Newcastle United an hneh loh 

ṭuma hnawhchhuah defender rinrawl John Egan chu hrem vangin a khel thei dawn lo.

United manager Ole Gunnar Solskjaer erawhin Bruno Fernandes, Paul Pogba, Marcus Rashford leh Harry Maguire te a chhawr thei vek dawn  a, Old Trafford-ah an khelh dawn bawk avangin point thum hmuh ngei an tum ang.

UEFA-in Financial Fair Play Regulations bawhchhiat vangin Manchester City an hrem a nih chuan Premier League-a pangana thlengin Champions League an khelh theih dan a awm. Hemi a nih avang hian United tan Chelsea an pha thei ta lo a nih pawhin pangana dinhhmun erawh an hauh chhunzawm a ṭul.

Solskjaer hote hian point 46 an hmu a, Sheffield aiin point hnih chauhin an hmu tam. United hian point khat chauh an hmu a nih chuan Blades aiin point an hmu tam chhunzawm ang a, amaherawhchu tuna point 46 hmu ve tho Wolverhampton Wanderers-in an lehpel thei ang. Wolves hian West Ham 2-0 a an hneh hnuah zanin hian Bournemouth an mikhual dawn a, point thum hmu thei dinhmunah an ding.

Manchester United goalkeeper David de Gea leh defender Harry Maguire te Tottenham Hotspur laka an mualpho avangin Sheffield lakah insiamṭhat ngei a ṭul dawn. Mipui hmuh châk tur erawh Bruno Fernandes leh Paul Pobga te inkawp tur a ni a, Spurs nen an khelh dun rei loh avangin entu mipui kham khawp a ni pha lo. Zaninah erawh inkhelh ṭantirh aṭanga an inkawp a rinawm a, talent nei ṭha pahnih hi goal venghim thiam Sheffield United lakah eng ang chiaha ṭha nge tih fiahin an awm dawn.

United tlarhmaa Marcus Rashford leh Anthony Martial te an bil deuh a, bench aṭanga lut Mason Greenwood a hmuhnawm viau. Chutihrualin loan hun an pawhsei Odion Ighalo pawh Rashford leh Martial aia thlan a nih theih nan a khelh chhunah goal khung a pawimawh ang.nited midfielder thawkrim Scott McTominay-a'n June 2025 thleng atan a contract a pawtsei a, kum 23 mi Scottish midfielder hian hma a sawn chho zel. Tominay hian goal ruk a khung tawh a, chutihrualin goal khung aiin midang tana khel ṭhin a nih avangin Blades nen pawh hian a inlan ngei a rinawm.