Horford-a'n beisei a nei sang

Boston Celtics senior player Al Horford chuan NBA champion ni turin beisei a nei sang a, team ṭha Golden State Warriors laka bul an ṭan fuhna chu a tawp thlenga vawn nun a duh.

Kum 36 mi Horford hian 2007 khan Celtics a zawm. All Star zingah vawi nga a tel tawh a, chawimawina hrang hrang pawh a dawng tawh. Mahse, Celtics tan hian a la champion thei ngai lo.

Game 1-a hnehna an chan hnuah 6ft 9in a sang Horford chuan, "Hetiang hun hi ka lo nghah tawh chu a ni. College level-ah boruak sang ka tawng tawh, mahse tuna mi chu a danglam," tiin a sawi.

Tukin dar 5:30 hian Chase Center-ah game 2 an khel chhunzawm leh nghal ang. NBA champion ni tur chuan a tlem berah vawi li tal chak a ngai, best of seven series hmangin chak zawk an zawng.

NBA Finals

Results & Fixtures
Game 1: Golden State 108 - 120 Celtics

June 6, Thawhṭanni
Game 2: Golden State 05:30 AM Celtics

June 9, Ningani
Game 3: Celtics 06:30 AM Golden State

June 11, Inrinni
Game 4: Celtics 06:30 AM Golden State

June 14, Thawhlehni
Game 5: Golden State 06:30 AM Celtics

June 17, Zirtawpni
Game 6: Celtics 06:30 AM Golden State

June 20, Thawhṭanni
Game 7: Golden State 06:30 AM Celtics
(Boston Celtics hian series-ah 1-0 in hma an hruai)