Lacazette a chhuak dawn

Alexandre Lacazette chuan Arsenal tana a contract a hmang zo dawn a, tun thla tawpah a zo ang. North London club hian contract hi an pawhsei loh avangin season tharah chuan club thar a nei dawn.

Arsene Wenger hunlai 2017 khan Lyon aṭangin Gunners hi a zawm, a hunlai chuan club player man to ber a ni. Premier League club tan hian goal 71 khungin assist vawi 36 a nei bawk a, an lei tirha an beisei ang a phak lo.

Arsenal manager Mikel Arteta chuan, "Laca hi player ṭha tak a ni a, khelmual chhung leh pawnah a ṭangkai, player naupang zawkte fuihtu ṭha tak a ni," tiin a striker kal chhuak tur chungchang a sawi.

Pierre-Emerick Auba-meyang a chhuah hnuah Lacazette a chhuak zui ve leh dawn a, tun dinhmunah Arsenal hian Eddie Nketiah chauh striker pangngai an nei. Nipui bazarah tlarhma a khel tur an melh ngei a ngai ang.