Sulhnu hlui chhui tur United

Manchester United chuan Europa League quarterfinal-ah Belgian league hmahruaitu Anderlecht an hmachhawn dawn. Premier League club United tan Belgian club hi an club chanchina Europe-a an hmachhawn hmasak ber an ni - United tan thawnthu hlui a thar leh dawn.

Kum 1956-57 European Cup preliminary round-ah Manchester United hian Europe-a an match hmasa ber atan Anderlecht an khel a, Red Devils hian inkhel pahnih belhkhawmah 12-0 in hnehna an chang. 2000-01 Champions League first group-ah club pahnihte hi an intawng leh a, Old Trafford-ah United 5-1 in an chak a, khualmualah 2-1 in an tlawm thung.

Europa League quarterfinal-ah hian 1992 UEFA Cup champion Ajax leh Bundesliga club Schalke te pawh dun an ni. Serie A table-a pahnihna AS Roma pek chhuaktu French Ligue 1 club Lyon chuan Turkish league hmahruaitu Besiktas an hmachhawn bawk ang.

Europa League quarterfinal first leg hi April 13-a khelh tur niin second leg chu April 20-ah an khel ang. May 20 khian Friends Arena, Stockholm-ah nomawi inchuhna inkhel a awm ang.

Quarterfinal Fixtures
Anderlecht vs Man Utd
Celta Vigo vs Genk
Ajax vs Schalke
Lyon vs Besiktas