Guardiola vs Klopp ; Tu nge chungnung zawk dawn?
Bundesliga aṭangin khawvel manager langsar pahnih Pep Guardiola leh Jurgen Klopp-te an lo intawng tawh ṭhin a, Pathianni zan Premier League match-ah an intawng leh dawn - zan dar 10:00-ah Etihad Stadium-ah an inkhel ang.
Club pahnih tan Premier League nomawi beisei ngam chi a ni tawh lo a, mah se Pathianni zan inkhel hi Champions League khelh leh khelh loh hril thei tur a ni. Champions League last 16 aṭangin City petchhuah an ni tawh a, season tharah Europe-a club te inelna sang ber an khel lo a nih bawk chuan Pep-a mualphona belhchhahin a awm ang - Spanish manager hian hei hi thlentir a duh dawn lo.
Hmanah chuan...
Pep Guardiola-a'n Germany-a Klopp a hmachhawn hmasak berah a tlawm nghal a, 2013-14 season German Super Cup final-ah a ngam lo. England-ah Klopp hnungzuiin Pep a pem a, Klopp nen an intawn hmasak berah a la ngam chuang lo!
December 31 khan Pep leh a nauten Liverpool an lenchilh a, Klopp-a'n Georginio Wijnaldum goal khung hmangin Pep a ngam - Spanish manager hian tlawm nawn a duh dawn lo. Manager pahnih hi vawi 10 an intawng tawh a, Klopp-a'n vawi nga hnehna changin Pep vawi li a chak a, vawi khat an inhnehtawk - German coach Klopp-a tluka Guardiola ngam khawvel manager-ah an awm lo.
Sulhnu hlui
Kum 1981 khan Liverpool hian a zawnin league match sarih chhung Manchester City an lo hneh tawh a, tun dinhmunah league match li chhung a zawna hneh leh tawhin 1981 hnua City laka record an neih ṭhat ber ṭum an tawng mek. Hei mai a ni lo, City hian Reds an hmachhawn hnuhnung 12-ah goal an chhuah vek. Vawi ruk tlawmin vawi hnih an chak a, vawi li an inhnehtawk - goal 23 an chhuah!
City ṭantute tana thu hriat nuam lo tur dang chu Jurgen Klopp-a'n table chung lam team a ngam lutuk hi a ni. Liverpool-in tun season Premier League table-a parukna chin chunglam an hmachhawnah tlawm hmel an la hmu miah lo a, tun season league match-a vawi nga an tlawm tawhna inkhel hi top ten hnuai lam an hmachhawnah vek a ni - City tan fimkhur a finthlak ang.
Inlan tur
Liverpool striker Daniel Sturridge leh captain Jordan Henderson chu hliam vangin England squad-ah pawh koh an ni lo a, zaninah City an hmachhawn theih a beiseiawm loh. Manchester City lamin inhliam tharlam sawi tur an nei lo a, Pep Guardiola-a'n duhthala players thlan tur nei chungin Reds a lo mikhual ang.
Club pahnih tan league-a an player goal khung hnem ber pahnihin goal 12 ve ve an khung a, an hming chu Sergio Aguero leh Sadio Mane a ni. Players pahnih hi team pahnih tlarhnung tan ngaihthah thiang lo ve ve an ni - Aguero-a'n Etihad Stadium-a Reds a hmachhawn match liah goal a khung vek a, Mane-a'n Citizens a hmachhawn hnuhnung pathumah goal thum khungin assist vawi khat a nei bawk.
Team dinhmun
Manchester City-in an league match hnuhnung bera Stoke City goal khung loa an inhnehtawkpui hnuah Champions League last 16-ah 5-3 a an hmahruaina chu engmah lo maiah an chantir a, khualmualah 3-1 a AS Monaco ngam loin petchhuah an ni. Pathianni zanah an mangchhia lak aṭanga harh an duh ang.
Liverpool-in rin loh taka Leicester City an ngam loh hnuah insiamṭha leh tawhin Arsenal leh Burnley chu match hnih chhung a zawnin an ngam leh tawh a, inrintawkna nasa tak nen Etihad Stadium an pan ang. Reds hian vawi khata khel tam zawk nichungin City hi point khatin an phak lo mek a, Klopp-a nauten season tharah Champions League khelh an duh chuan chak ngei a ngai a ni.
Premier League - Fixtures
Zanin Inkhel Tur
West Brom 6:00 PM Arsenal
Crystal Palace 8:30 PM Watford
Everton 8:30 PM Hull City
Stoke City 8:30 PM Chelsea
Sunderland 8:30 PM Burnley
West Ham United 8:30 PM Leicester City
AFC Bournemouth 11:00 PM Swansea City
March 19, Pathianni
Middlesbrough 5:30 PM Manchester United
Tottenham Hotspur 7:45 PM Southampton
Manchester City 10:00 PM Liverpool
Team Dinhmun
# Team Pld W D L GF GA GD Pts
1 Chelsea 27 21 3 3 57 20 37 66
2 Tottenham Hotspur 27 16 8 3 53 20 33 56
3 Manchester City 27 17 5 5 53 29 24 56
4 Liverpool 28 16 7 5 60 35 25 55
5 Arsenal 26 15 5 6 55 31 24 50
6 Manchester United 26 13 10 3 39 22 17 49
7 Everton 28 13 8 7 47 30 17 47
8 West Brom 28 11 7 10 36 37 -1 40
9 Stoke City 28 9 9 10 32 40 -8 36
10 Southampton 26 9 6 11 32 34 -2 33
11 West Ham United 28 9 6 13 38 49 -11 33
12 Burnley 28 9 4 15 31 42 -11 31
13 Watford 27 8 7 12 33 47 -14 31
14 AFC Bournemouth 28 8 6 14 40 54 -14 30
15 Leicester City 27 7 6 14 30 45 -15 27
16 Swansea City 28 8 3 17 36 61 -25 27
17 Crystal Palace 27 7 4 16 35 46 -11 25
18 Hull City 28 6 6 16 26 54 -28 24
19 Middlesbrough 27 4 10 13 19 30 -11 22
20 Sunderland 27 5 4 18 24 50 -26 19