MCL final khel tur Chanmarians

Mapuia Cricket League cham­pion lai Chanmarians-in an nomawi humhim turin kawngdik an zawh zel - nimin khan qualifier 1-ah Chhinga Veng chu wicket sarihin an hneh a, MCL final khel turin an in vaw kai.

Suaka Memorial Cricket Ground, Sihhmuia inkhelah 3C bat hmasa zawkin over 20-ah run 117 an siam a, wicket sarih an hloh. Chanmarians chuan hei hi umin Lalhruaizela (50) chet ṭhat zar an zo a, over 19.4-ah an target umphaa wicket thum chiah hlohin hnehna an chang ta a ni. Over 20-naa run 10 vaw chhuaktu Lalmuanpuia chet ṭhat an chhawr hle bawk.

Chhinga Vengin hnehna chang zo lo mah se league-ah pahnihna an nih miau avangin vawiin chawhma dar 11:00-ah qualifier 2 an la hmachhawn leh dawn a, nimin eliminator round inkhela run 23-a Armed Veng hnehtu Kulikawn an hmachhawn ang. Kulikawn tan run 85 siamtu Michael Lalremkima a che ṭha hle.