Ake a dam tawh

Manchester City fan-ten lawmna tur an nei a, international break-a Netherlands tana a inlanna lama inhliam Nathan Ake chuan training a zawm 

leh tawh. 

Pep Guardiola enkawl City hian zanin dar 8:30-ah league match khel turin Burnley an mikhual dawn a, Ake hi a inlan nghal erawh a rinawm loh - City-in tlarhnung laia chhawr turin  Aymeric Laporte leh Rúben Dias an nei. 

City hi tun season-ah an ropui lo hle. League match riat an khelh tawhah vawi thum chiah an la chak a, vawi thum tlawm tawhin vawi hnih an khingpui an inhnehtawkpui!

Premier League-a an match hnuhnung berah Tottenham Hotspur chu 2-0 in an ngam lo a, mahse Champions League-ah Olympiakos lakah 1-0 in an chak leh tawh.

Pep-a'n, "Engtikah emaw chuan engkim hi kan la rawn nawp vek mai ang," tiin goal an khung chhoh leh tawh tur thu a sawi a, zaninah a thusawi dikna fan-ten hmuh an duh ang.