Highlander-in point hlawh chhuak

Kerala Blasters-in NorthEast United lakah 2-0 in hma hruai hman mah se Highlander-in an si phurh an sut zo a, hun a tawp meuh chuan 2-2 in team pahnih hi an inhnehtawk. 

South Indian club tan Sergio Cidoncha (5') leh Gary Hooper (45+1')-ten goal khat ve ve an khung a, Hooper-a goal hi K. Lalṭhathanga (Puitea) penalty hlawhchhuah aṭanga lut a ni. 

Highlander tan Kwesi Appiah (51') leh Idrissa Sylla (90')-ten si phurh an sut a, Crystal Palace striker hlui Appiah hian goal hmasa zawk a khung hnuah Lalengmawia penalty hlawhchhuah hmangin si phurh sut zawhna remchang a nei a, mahse goal-ah a chantir thei lo. 

Blasters tan Puitea'n bul a ṭan a, Lalruatthara erawh bench lamah hun a hmang tluan. NorthEast United tan Apuia'n bul a ṭan bakah Lalrempuia Fanai chu minute 76-naah bench aṭanga luhtir a ni.