Germany mikhual tur England

Zanin dar 12:15 hian Allianz Arena-ah Germany-in England an mikhual dawn. Team pahnih inhmachhawnna tur hi friendly match u awrh Nations League ni mah se Die Mannschaft leh Three Lions inkhel a nih avangin ngaihven a hlawh ang.

Hansi Flick-a hote hi tun season Nations League bul ṭanna inkhelah Italy nen 1-1 in an inhnehtawk a, England erawh Hungary lakah 1-0 in an tlawm. Gareth Southgate-a hoten pressure an ngah zawk dawn a, chutihrualin Euro 2020-ah khan Three Lions hian Wembley Stadium-ah Germany 2-0 in an hneh a, an pet chhuak.

England hian ticket 3,500 an chang a, an hralh zo vek tawh. Three Lions ṭantu zingah ticket nei loa Allianz Arena-a luh tum an awm rin a ni a, boruak a ṭang nghal hle. Gareth Southgate pawhin England ṭantute chu mawi taka che turin a ngen.

England leh Germany te hi vawi 33 an inkhel tawh a, Die Mannschaft hi vawi 15 chak tawhin Three Lions hi vawi 14 an chak a, ṭum li dangah an inhnehtawk. Southgate-a hote hian an inhmachhawn hnuhnung berah Germany hi hneh mah se Hansi Flick-a hnuaiah Die Mannschaft-in hneh loh an la tawng lo.

League A - Group 3

June 4, Inrinni

Hungary 1 - 0 England

HUN : Dominik Szoboszlai 66' (P)

Italy 1 - 1 Germany

ITA : Lorenzo Pellegrini 70'

GER : Joshua Kimmich 73'

Zanin Inkhel Tur

Germany 12:15 AM England

Italy 12:15 AM Hungary