Aguero tan season a tawp?

Manchester City-in 5-0 in Burnley sawp mah se lawm lohna tur an nei a, striker chhuanvawr Sergio Aguero chu a khup hliam vangin lakchhuah a ngai. 

Aguero hi Burnley captain Ben Mee nen ball an inchuhna lamah a inti na a, penalty hlawhchhuah phah mah se khelmual aṭanga lakchhuh a ngaih phah thung. 

City boss Pep Guardiola chuan, "A hliam dan dik tak hi kan la enchiang leh ang. A khup hi na a ti a, thla hmasa khan a khup na vang hian a buai tawh. Doctor chu ka ni lo a, mahse a dinhmun a ṭha lo tih erawh ka sawi thei," a ti. 

He thu buatsaih a nih thleng hian City hian Aguero hliam chungchangah thuthar an la nei leh rih lo a, Argentine striker hi tun season-a a inlan theih erawh a rinawm tawh 

lo zawk.