Chhinga Vengin Bawngkawn an sawp

Mizoram Premier League club awmna Chhinga Veng chuan NECS Cup 2017 nomawi chawi an tum ngam tih lantir nan quarterfinal-a an match hmasa berah Bawgkawn 7-0 in an sawp. Chhinga Veng tan hian Rochharzela chuan hattrick siamin Vanlalawma chuan goal hnih a khung bawk.

Chhinga Veng hian last 16-ah Luangmual chu 7-1 in an lo sawp tawh bawk a, tun inelnaah hian match li an khelh aṭanga goal 27 khungin an lamah goal khat chiah a la lut. Nimin Lammuala inkhel pakhat zawkah Sihphir Venghlun chuan goal khat an purh zet hnuah Zoliansanga leh Samuel Lalchhandama goal hmangin Electric Veng 2-1 in an lehthal.

Kumin NECS Cup quarterfinal hi group pahnihah ṭhen hran niin an inkhelh kual hnuah group pakhat ve vea point hmu hnem pahnihin semifinal an lut ang. Vawiin hian Group A lamin an match hnihna an khel dawn. Chawhnu dar 1:00-ah Ramhlun derby kan hmu dawn. An match hmasa zawka Armed Veng hneh lotu Ramhlun North tan vawi hnih champion tawh Ramhlun South laka chak loh a hun lo.

Armed Veng South-in an match hmasa zawkah C Laldinmawia leh Laldawnglian Colney te goal hmanga Ram­hlun North an hneh tawh avang­in Thingsulthliah an hneh leh thei a nih chuan semifinal an lut ang.Nimin

Inkhel Results
Electric Veng 1 - 2 Sihphir Venghlun
ELE :Vanlalhmangaiha 8'
SIH : Zoliansanga 45+2'; Samuel Lalchhandama 90+2'
MoM : Samuel Lalchhandama, Sihphir Venghlun
Chhinga Veng 7 - 0 Bawngkawn
CHI : Rochharzela 25', 38', 73'; Vanlallawma 41', 68'; Malsawmzuala 45'; Lalnunmawia 89'.
MoM : Rochharzela, Chhinga Veng.
Vawiin Inkhel Tur
11:00 AM Armed Veng South Vs Thingsulthliah
01:00 PM Ramhlun South Vs Ramhlun North