Miami Open khel lo tur Djokovic

Novak Djokovic chu tunkar chhunga khelh tur Miami Open-ah an inlan thei dawn lo. ATP Masters 1,000 tournament pahnihna a hmachhawn theih loh tur chhan hi a kiu hliam a dam chian theih loh vang a ni.

Kum 29-a upa Djokovic hi kar hmasa khan Indian Wells second round-ah Nick Kyrgios hneh loin a tla a, hard court tournament a hmachhawn zui theih dawn loh takah chuan clay court lam atan inbuatsaih chhoh a ṭul ang. Serbian thiampuipa bakah hian world number 1 Andy Murray chuan hliam vang thoin Miami Open hi a khel dawn lo bawk.

Grand Slam vawi 12 champion tawh Djokovic chuan, "Ka doctor-in chawl turin min duh, ka kiu na a dam theih loh avangin inenkawl dam chiang phawt turin thurawn min pek chu ka zawm a ṭul. Court chhungah a rang thei ang bera ka lo kir leh theihna turin ka thiam leh theih ang tawka ṭhain ka inenkawl ang," tiin a sawi.