Ivory Coast coach thar Wilmots

Didier Drogba-te ram Ivory Coast chuan an coach thar ni turin Marc Wilmots an lalut. Ivory Coast hi an coach Michel Dussuyer chuan 2017 Africa Cup of Na­tions group stage aṭanga a tlakpui avangin a chhuahsan a, French ma­na­ger thlak tur hian Wil­mots hi lakluh a ni ta a ni.

Belgium international hlui Marc Wilmots hian an ram team chu 2012-2016 inkarah khan a lo kaihruai tawh a, FIFA World Cup Brazil-ah pawh Belgium hi a ho a, July 2016 khan Euro quarterfinal-a Wales an ngam loh avangin a hna aṭang hian chawlhtir a ni. Ivory Coast-ah hian kum hnih cham turin contract a ziak a, a results a zirin contract thar pek leh a ni bawk ang.

Ivory Coast hian tun hnaiah Russia leh Senegal nen friendly match khelh tur nei mah se Wilmots hian a kaihruai nghal rih dawn lo a, 2018 World Cup Russia a khelh tur leh Africa Cup of Nations 2019-ah Ivory Coast hi tlinpui tura hna tuksak a ni.

Elephants (Ivory Coast sawina) hi World Cup qualifying-ah Ga­bon, Mo­rocco leh Mali te nen group khatah awmin hma­hruaitu an ni mek a, vawi hnih inkhelhah point li an nei tawh. AF­CON qualifying hi June-ah khelh ṭan tur a ni thung a, Ivory Coast hi group khatah Guinea, Central Afri­can Republic leh Rwanda-te nen an awmho.