Kan hun a ni lo a ni - Mizoram manager

Santosh Trophy vawi 71-naah Mizoramin an match hmasa berah Maharashtra an hneh hnuin Punjab an draw a, Kerala lakah mualpho mah se ropui takin Railways lakah an tho.

Mizoramin semifinal thleng turin match li lekah goal 12 teuhmeuh khung mah se goal la chhuah lo West Bengal lakah goal an khung bik lo a, penalty shootout-ah an vanduai.

Mizoram manager Lalthanzama Vanchhawng chuan, "Hun pangngaiah penalty hmuh theihna tura kan ngaiah vawi hnih kan hmu lo a, kan vanduai a ni. Tumah mawhpuh tur kan nei lo a, kan hun a thlen loh vang a ni," tiin chhuanlam a siam lo.

Goa-a Mizo awmte chungah lawmthu sawiin Zama chuan, "Ṭantu ṭha tak kan nei a, kan mual ang mai a ni. Hnehna kan chan loh vangin rilru na mah ila, semifinal min hruai thlengtu Pathian chungah kan lawm a, Mizorama kan chanchin ngaihventu leh min tirtu MFA chungah kan lawm takzet a ni," tiin chak lohna phenah lawmna tur a awm thu a sawi.

Inkhel Thlirna Tawi
Mizoram 0 - 0 West Bengal
Penalty shootout-ah West Bengal 6-5 in an chak.
PENALTY PET DAN

Mizoram
Lalrammawia G
Ramfangzauva G
Lalrammuanpuia G
Lalmuanawma X
Lalrinchhana G
V. Lalchhuanawma G
Lalbiakhlua X
West Bengal
Rana Gharami G
Manvir Singh G
Samad Ali Mallick G
Monotosh X
Mumtaz Akhtar G
Sk Faiaz G
Basanta Singh G