May-ah Federation Cup khel dawn

All India Football Federation (AIFF) chuan Federation Cup khelh hun tur an ti chiang a, May 7 khian Odisha khawpui pakhat Cuttack-ah khelh ṭan a ni ang. Season hmasa khan Fed Cup hi home & away a khelh a ni a, tun season-ah erawh Cuttack khawpuia khelh vek turin nimina AIFF executive committee ṭhukhawm chuan a rel a, May 21-ah final khelh a ni ang.

Federation Cup-ah hian season hmasa ang thoin I League table-a a sang pariatin inelna an nei dawn a, season hmasaa finalist Aizawl FC chuan tun dinhmunah I League-ah hma an hruai mek avangin Fed Cup an khel thei chiang tawh. Mizo club hian season hmasa khan Mohun Bagan chu final-ah 5-0 in an ngam lo. He inelnaa champion hian AFC Cup preliminary round an khel ṭhin a ni.

Football House, AIFF headquarters-a nimina executive committee hian state ranking system siam rawtna awm chu an pawm bawk a, he ranking hi state association-in football kaihhnawih hrang hranga an hmalakna aṭanga tehna siam tur a ni ang.