KIYG hmachhawn tur Mizo boxer pariat

Panchkula, Haryana-ah Khelo India Youth Games khelh mek a ni a, Mizo boxer pariatin inelna hi an hmachhawn dawn. Mizo boxer-te hi mipa panga leh hmeichhia pathum an ni a, SYS coach pahnih Lalfakzuala leh R. Lalbiaksangi ten an huai a ni.

Mizo mipa boxer-te hi Zorammuana (48kg), Laldinsanga (54 kg), Franky Vanlalruatpuia (57 kg), Lalnunzira (60 kg) leh Vanlalhuala (80 kg) te an ni a. Hmeichhe boxer te hi Rudy Lalhmingmuani (63 kg), Ruthi Lalhmingṭhai (54 kg) leh Naom Chinsangnuam (57 kg) te an ni.

Vawiin aṭangin Mizo boxer-te hi an inlan ṭan dawn a, he thuziah lai hian an hmachhawn tur a la hriat loh. Coach R. Lalbiaksangi chuan, "Khelo India atan hian inpuahchahna kan nei ṭha a, inelna hmachhawn tur pawhin kan inpeih. Medal dawng ngei turah kan inngai a, kan naute hi medal la turin an thawkrim a, medal lak an phu vek," tiin Vanglaini hrilh.

Khelo India-a inelna tel tur hian record neih ṭhat a ṭul a, chutihrualin wildcard hmangin a khelh theih bawk. Khawbung rawlthar Vanlalhuala chu wild card hmangin a tling. Mizoram boxing team hian Thawhlehni zan khan inelna neihna hmun Panchkula, Haryana an thleng a ni.

Mizo boxer-te
Zorammuana (48kg)
Khua : Tuipui
2018 National School Games Silver
2019 Khelo India Silver
2020 National School Games Silver
–––––––––––––––––––––––––––––––––––––––––––
Laldinsanga (54 kg)
Khua : Lunglei
2018 All India Inter SAI Silver
2019 Khelo India Silver
2020 National School Games Gold
2020 Khelo India Bronze
2021 Youth National Silver
–––––––––––––––––––––––––––––––––––––––––––
Franky Vanlalruatpuia (57 kg)
Khua : Lunglei
2020 School Games Bronze
2020 Khelo India Silver
–––––––––––––––––––––––––––––––––––––––––––
Lalnunzira (60 kg)
Khua : Lunglei
2018 National School Games Gold
2020 National School Games Silver
–––––––––––––––––––––––––––––––––––––––––––
Vanlalhuala (80 kg)
Khua : Khawbung
Wild card a tling
–––––––––––––––––––––––––––––––––––––––––––
Rudy Lalhmingmuani (63 kg)
Khua : Lawngtlai
2018 Sub Jr Women National Bronze
2018 All India Inter SAI Gold
2019 Jr Women National Bronze
2020 Jr Golden Girl C'ship International Silver
2022 NE Regional Sports week Bronze
–––––––––––––––––––––––––––––––––––––––––––
Ruthi Lalhmingṭhai
Khua : Reiek
2nd Jr National Boxing C'ship 2018 Bronze
3rd Jr National Boxing C'ship Bronze
4th Youth National Boxing C'ship Bronze
–––––––––––––––––––––––––––––––––––––––––––
Naom Chinsangnuam (57 kg)
Veng : Chaltlang, Aizawl
2021 Youth National C'ship Bronze