India hmeichhe cricketer lar Raj a chawl

India hmeichhe batter hmingthang Mithali Raj chuan nimin khan cricket a chawlhsan thu a puang. Kum 39 mi Raj hian WODI-ah 7,905 runs a siam a, 50.68 a average pha. Hmeichhe cricketer zinga run siam tam ber a ni.

Raj hian kum 16 mi lek a nih aṭangin India tan a khel ṭan a, kum 1999 khan Ireland lakah thi loin 114 runs a siam. T20-ah pawh India tan 2,364 runs a siam a, Indian zinga run siam tam ber niin kum 2019 khan a chawlhsan tawh.

Kum 2005 aṭangin India tan a captain ṭan a, Indian cricketer mipa leh hmeichhe zinga World Cup inelna vawi hniha captain hna chelh thei awm chhun a ni.

Raj chuan, "Kum 23 chhung khan chona lian tak tak kan hmachhawn a, nuam ka ti a, min ti hlim viau bawk. Khelmual chhunga ka luh apiangin ka theihna zawng zawngin ka chhuah ṭhin a, hmeichhe cricket-ah hian inhnamhnawih chhunzawm ka duh a ni," tiin a sawi.