AIFF technical chairman Baichung an thlak; a aiah hranghlui Shyam Thapa

Ningania All India Football Federation exe­cutive committee ṭhu­khawm chuan Baichung Bhutia chu AIFF technical committee chairman a nihna aṭangin an thlak a, India legend hmun ruak luah tur hian Mohun Bagan legend Shyam Thapa chu ruat a ni.

Baichung bakah hian AIFF technical committee vice chairman Savio Messias pawh thlak a ni a, a hmun ruak luah tur hian India goalkeeper hlui leh Western India Football Association chief executive officer nilai Henry Menezes chu ruat a ni bawk.

Technical committee-ah hian footballer hlui zingah Mohun Bagan leh East Bengal tana lo khel tawh Ishfaq Ahmed leh India tana vawi 36 lo inlan tawh Abhishek Yadav-te an tel bawk a, member langsar zingah Reliance Sports CEO Sundar Rahman a tel.

AIFF-in committee peng hrang hrang a ruat­ah a thawhpui IMG Reliance-in hmun pawimawh an chang nasa a, Sundar Raman, Vandana Gupte (Legal Advisory Committee), Chirag Tanna, Rochak Langer (League Com­mittee), Devang Bhim­jyani (Competitions Committee), G Srinivasan (Futsal and Beach Soc­cer Committee), Yas Patel (Development Com­mittee) leh Swati Kothari (Women’s Football Committee) te chu Re­liance lam vek an ni.