East Bengal assistant coach hrem na

All India Football Federation chuan East Bengal assistant coach Warren Hackett chu match li chhung atan an hrem a, Tottenham Hotspur defender hlui Churchill Brothers nen an inhmachhawn ṭuma match official laka a ṭawngkam mawi lo vanga hrem niin tun season chhung chu a hmel kan hmu tawh lo ang.

Match commissioner report-ah Robin Singh leh Mizo tlangval Robert Lalthlamuana te hming thai lan tel ni mah se AIFF chuan Red and Golds player pahnih hi a hrem ve dawn lo thung. East Bengal hi tun hnaiah beisei an phak lo hle a, an league match hnuhnung pangaah vawi thum an tlawm a ni.

A vawi khat nana I League nomawi chawi ngei tum club hian international break denchhana chawlh an hman hnuah training an nei ṭan leh tawh a, April 9-a Mohun Bagan nen Kolkata derby an khelh tur inpuahchah nan club academy bakah Southern Samity chu practice match an khelhpui ang.