Golden Bench award dawng tur Ranieri

Leicester City-in an manager aṭangin Claudio Ranieri ban mah se Italian Football Federation chuan an ram chhulchhuak ma­nager hi a hnathawh ropui tak an theihnghilh sak lo a, 'Golden Bench' chawi­mawina an pe dawn.

Kum 65-a upa Ita­lian manager hi Februa­ry thla khan Foxes chuan relegation battle hma­chhawn thei din­hmuna an din avangin an ban a, mah se Italian FA lam chuan season hmasaa a hnathawh ropui tak avangin Panchina d'Oro (Golden Bench) an hlan dawn tho a ni. Award hi Thawh­ṭanniah pek a ni ang.

Italian FA chuan thu­chhuah siamin, "Ranieri hnenah Golden Bench chawimawina hi pek a ni dawn a, he award pek a nih chhan tur hi ropui taka Leicester kai­hruaia Premier League nomawi a chawipui vang a ni," an ti.

Ranieri hian King Power Stadium-a a hna­thawh ropui tak avang hian December 2016-ah khan BBC coach of the year chawimawina a lo dawng tawh a, January khan FIFA chuan coach of the year-ah a puang bawk.