Spurs-in Golden State an um zel

NBA Western Conference table-a pahnihna San Antonio Spurs chuan hmahruaitu Golden State Warriors an um zel, nimin zing khan spurs hian Memphis Grizzlies chu 97-90 in an hneh.

AT&T Center-a inkhelah Spurs tan LaMarcis Aldridge chuan point 23 score-in a thawhhlawk ber a, point 19 score tu Kawhi Leonard chu player pawimawh a ni phak bawk. Memphis tan Mike Conley-a'n point 22 a score bakah assists vawi ruk a nei.

San Antonio Spurs hian NBA regular season kal mekah match 55 hnehna an channa chiah a ni a, vawi 16 chak loh an nei tawh. Western Conference table-a hmahruaitu Warriors aiin khelh zat inangah vawi hnihin an chak lo tam zawk. Pathianni zing dar 6:00-ah New York Knicks an hmachhawn leh ang.