Kerber, Halep leh Venus an tlang

Kerber, Halep leh Venus an tlangMiami Open khelh mekah hmeichhe singles nomawi chawi tura rinkai Angelique Kerber, Venus Williams leh Simona Halep te chuan second round an paltlang.

Inrinnia inkhelah German nula Kerber hian Chinese star Duan Ying-ying chu 7-6 (7-3), 6-2 in a hneh. Kum 29-a upa Kerber hian Serena Williams dinhmun chhuhsakin a vawi hnih nan world num­ber 1 a ni leh tawh, ran­king-a number 1 ni chungin match 14 hnehna a chang tawh a, ṭum sarih a chak lo tawh thung.

Grand Slam vawi sarih champion tawh Venus chuan world number 166 Beatriz Haddad Maia lakah 6-4, 6-3 in hnehna a chang. American nula Venus hian last 16 lut tur chuan Patricia Maria Tig a hmachhawn leh ang. Inkhel dangah seeded pathumna Halep chuan inkhel inhnehtawk takah Naomi Osaka 6-4, 2-6, 6-3 in a hneh ve bawk.