Kolasibah Vengthar an thiam ber

Kolasib District Football Asso­ciation buatsaih T. Ruala Memorial Kolasib Football League chu Inrinni khan khelh zawh a ni a, Vengthar GSA chuan 2-1 a Project FC hnehin an champion.

RSTC Playground, Saidan-a in­khelah Sammy Vanlaltlana'n minute 35-naah goal hmahruai a khung a, Project FC tan H. Ram­fangliana'n minute 63-naah a sut. Mahse, Project FC-in Madras Sporting Union player hlui Sammy an ngam lo a, minute 76-naah chakna goal khungin Vengthar hi a champion pui ta a ni.

KFL-ah hian team pariat telin lea­gue round-a an inkhelh kual vek hnu­ah table-a a sang pahnihin final an khel.

Mimal Lawmman
Best Player Sammy Vanlaltlana, Vengthar GSA
Top Scorer Ricky Zonunmawia (10 goals), Project FC
Best Goalkeeper Lalhlanmawia, Vengthar GSA
Best Defender Ricky Rohmingliana, Project FC
Best Midfielder Lalremruata, Vengthar GSA
Best Referee K. Lalmalsawma