Pro Volleyball League hun a chiang

Mizoram Volleyball Association leh LPS te ṭangkawpin an buatsaih tur Pro Volleyball League season hnihna khelh hun tur a chiang ta. MVA hnuaia inelna lian hi R. Dengṭhuama Indoor Stadium-ah khelh tur niin May 25 khian match hmasa ber khelh a ni ang a, June 20-ah final khelh a ni ang.

Team paruk inelna tur Pro Volleyball khel turin TNT, Hunthar, 3rd MAP leh Chhinga Veng an tling sa a, hmun ruak pahnih hnawhkhat tur chu March 28-30 chhung hian playoff hmangin zawn a ni dawn.

Nikum khan a vawi khat nan Pro Volleyball League hi hlawhtling takin buatsaih a ni tawh a, final-ah Electric Veng team Anastasia-in league-a point hmu sang ber TNT hnehin champion hmasa ber an ni. Anastasia hian team inrelbawlna chungchangah harsatna an tawh zui avangin trophy humhim turin an tel thei dawn lo.