Nagelsmann-a'n training dan thar a duang

Germany chanchinbu Sport Bild tarlan danin Bayern Munich manager Julian Nagelsmann chuan training dan thar a duang a, ruahmanna thar hi player-ten rilru an pek theih nana tih a ni.

Training-naah point system a awm a, an chet ṭhat dan a zirin player-ten point an hmu dawn. Inkhela bul ṭan tur thlanna kawngah player pahnih an intluk tawk viau a nih chuan training-naa point hmu ṭha zawk hian bul a ṭan ang.

Team boruak siam ṭhat nan training zawhah Munich-a restaurant-ah zanriah an ei ṭhin dawn a, coaching staff leh player inkar boruak a ṭhat theihna atana ruahman a ni.

Nagelsmann hian season tharah chuan formation a thlak tlem tawh dawn niin hriat a ni a, German coach hian tlarhnungah player pathum leh pali a inhman chhawk ṭhin. Player-ten an khelh dan an bel theih nan khelh dan nghet an nei dawn. Bayern coach Nagelsmann-a'n ruahmanna thar a siam a, a hlawhtlinna chu season tharah a hriat theih ang.