DBAAS Open 2022

District Badminton Association Aizawl South (DBAAS) chuan June 13-15, 2022 chhung hian an district huam chhunga club-te tan Er. L. Pachuau hriatrengna pualin Badminton Tournament an buatsaih dawn. Inelna hi Kulikawn Indoor Stadium-ah neih a ni ang.

Inter District Championship 2022 neih zawh takah DBAAS an champion a, tun ṭum inelna hi champion lawmna a ni a, kum 13 hnuai lam aṭanga kum 55 chunglam thleng inelna category 15 a awm dawn.

Inelna hming tumtu Er. L Pachuau (1955-2019) hi kum 2012-2014 chhungin adviser a ni a, a hnu-ah 'patron' a ni zui zel. Er L Pachuau hi a hnathawhna leh rimawi lama a sulhnu mai bakah infiamnaa badminton tuichilhtu a ni a, Mizoram Badminton Association (MBA)-ah Executive Member leh Adviser lo ni tawhin, kum 1995 - 1998 chhung khan Honorary Secretary a ni.