PVL lian zawka neih zel an tum

Mizoram Volleyball Association (MVA) chuan huam zau zawkin Pro Volleyball League neih chhunzawm an tum a, hemi kawngah hian LPS Vison nen an thawkdun chhunzawm ang.

Ruahman dan chuan PVL mipa inelna lamah team pakhat an awm belh ang a, a hma a mi nen team paruk an ni ang. Hunthar, Tuichangral, Durtlang North, TNT leh Chhinga Veng te chu awmsa an ni.

Hmeichhe team - Bungkawn, Bethlehem Vengthlang, Kanan leh Durtlang bakah team dang pahnih awm belh turin an ruahman bawk. Ruahmanna hi season thara bawhzui tur a ni thung dawn.

MVA chuan tualchhung volleyball chawi nun zel an tum. Hemi atan hian July 19 aṭangin Inter Branch YMA Volleyball tournament huaihawt a ni ang.