Wimbledon khelh beiseitu Raducanu

Emma Raducanu chuan Wimbledon khelh theih ngei a inbeisei. Nottingham Open aṭanga a inhnuhdawh na chhan a hliam tenau chu endik a ni a, hun rei tak a chawlh a ngai dawn lo niin a lang.

US Open champion hi tun kar tir lam khan grass court-ah a inlan, mahse game sarih chauh an khelh hnuah hliam vangin a khel chhunzawm thei lo, tun kar tawp lamah chuan training pawh a chhunzawm theih a rinawm.

Kum 19 mi Raducanu chuan, "Birmingham Open chu ka khel thei dawn lo, tournament khel chhunzawm leh nghal tur chuan a remchang lo. Grass court season tawp lam erawh ka hman theih ngei ka beisei," tiin a sawi.

Raducanu hian tun dinhmunah coach nghet a nei lo, coach ruat turin a hmanhmawh loh thu hmanni lawk khan a sawi.

Wimbledon hi June 27 aṭanga khelh a ni dawn. Mipa leh hmeichhe tennis thuneitu sang ATP leh WTA ten ranking point an pek dawn loh avangin sawizui a hlawh a, player inlan tur thlengin a nghawng dawn.