10,000m title latu Tuemay

African mi zingah tlan chak leh tlan thei tak tam an tam, chuvangin African Athletics Championship pawhin ngaihven a hlawh. Mipa 10,000m intlansiak huangah Mogos Tuemay a tlan chak ber.

Cote d'Or Stadium, Mauritius-a intlansiakah Tuemay hian minute 29 leh second 19 chhungin a tlan thleng - Ethiopian mi hian final a luh hmasak berah hnehna a chang nghal.

A hnungah hian amah ang bawka Ethiopian tlangval Chimdessa Debele a thleng, pathumna chu Kenyan mi Abraham Longosiwa a ni thung.