Rangnick an fak zel dawn em?

Manchester United manager hlui Ralf Rangnick-a'n Austria team a enkawl a, a hnuaia an match hmasa berah Croatia 3-0 in an sawp. He inkhel avang hian media tam takin German manager hi an fak a, Man United chet chhiat chhanah Rangnick-a'n mawh a phur lo tih nemnghettu a nih thu an sawi nghal.

Mahse, match khat lek aṭanga Rangnick theihna teh hi a fuh bik chiah lo. Austria hian an match hnihnaah Denmark 2-1 in an hneh lo a, zanin dar 12:15-ah France an hmachhawn leh dawn. FIFA ranking-a 34-naa awm Austria leh Rangnick tan fiahna a ni thei ang.

Nations League champion lai France hian bul an ṭan ṭha lo a, match hmasa berah Denmark 2-1 thoin an hneh lo a, Croatia nen 1-1 in an inhnehtawk bawk. Tun dinhmunah Austria hian Les Bleus aiin point an hmu tam zawk a, amaherawhchu Didier Deschamps-a hote hi an squad a chhah zawk.

Austria hian Bundesliga-a khel player ṭhahnem tak an kawl a, Real Madrid tlarhnung innghahna David Alaba a langsar. Rangnick hnuaiah Alaba leh a ṭhiante an la che ṭha a, France lakah an dinhmun dik tak hmuhin a awm ang.

Zanin Inkhel Tur
Austria 12:15 AM France
Denmark 12:15 AM Croatia