Quarterfinal-ah Lakshya Sen

India tlangval badminton khel thiam Lakshya Sen chuan Indonesia Masters-ah quarterfinal a inhlangkai, nimin khan a khingpui Rasmus Gemke lakah game hloh loin hnehna a chang.

Kum 20 mi Sen-a hian Denmark player hi minute 54 chhungin 21-18, 21-15 in a hneh, a match lehpekah chuan seeded pathumna Chou Tien Chen nen an inhmachhawn leh dawn a ni.

India tan Thomas Cup latu zingah khan Sen hi a tel, tun ṭumah hian seeded pasarihna pek a ni. Quarterfinal-a a khingpui tur nen hian Thomas Cup-ah khan an inhmachhawn a, game thum an khelh hnuah a chak lo - phuba lak theihna remchang a ni ang.

Inelnaah hian PV Sindhu pawh a inlan a, result kan hre hman lo. Mixed doubles pair Ashwini Ponnappa leh B Sumeeth Reddy te pawh an inlan ve dawn bawk.