Danny Blind an ban

World Cup qualifier-a Bulgaria an hneh loh hnu lawkah Netherlands chuan an coach Danny Blind an ban a, Dutch team hi kum hnih chhung a enkawl hman.

Kum 55-a upa Blind hian kum 2015 khan Euro 2016 qualifying round-ah dinhmun ṭha lo taka an awm laiin Guus Hiddink thlakin Netherlands a enkawl ṭan a, mah se bei­sei angin France-ah an ram team a hruai thei bik lo.

Dutch FA chuan thuchhuah siamin an ram team chu FIFA World Cup 2018 Russia-a kal thei lo dinhmuna an din mek thu leh tun hnaia an result chu lawmna tur a awm loh thu an sawi a ni.

Danny Blind-a fapa Man­chester United defen­der Daley Blind chuan, "Pa­faa level sang bera thawhdun kha kan tan chuan mumang thleng dik a ni. I hmaa chona inchhawp aṭangin i tlanchhe ngai lo a, huai takin i hmachhawn ṭhin. Ka chhuang takzet che," tiin a pa hi a thlah.

Netherlands hian zanin dar 12:15-ah Italy chu friendly match an khelhpui dawn a, Netherlands U21 manager nilai Fred Grim chuan senior team hi ma­nager thar awm hma chu a enkawl lailawk ang.