Poland tan Lewandowski

Pathianni zan World Cup Qualifier Group E inkhelah Poland chuan Robert Lewandowksi leh Lukas Piszczek te goal hmangin Montenegro 2-1 in an hneh.

Podgorica City Sta­dium-a inkhelah mikhual Poland tan captain Lewan­dowski chuan minute 40-naah freekick aṭangin goal hmahruai a khung. Bayern Munich striker hian ram tan match 86 a khelh aṭanga a goal 43-na chiah a ni.

Montenegro hian forward Stefan Mugosa hmangin an siphurh sut ve mah se hun tawp hma miute riat chauh a awm tawh tihah Piszczek chuan chakna goal a khung.

Poland hian match nga an khelh aṭanga point 13 hmuin an group hmahruaitu an ni a, an mahni hnaihtu Montenegro leh Denmark te aiin point rukin an sang fal tawh zawk.