Quarterfinal-ah Sindhu a lut

PV Sindhu chuan Indonesia Masters Super 500 badminton tournament-ah quarterfinal a inhlangkai a, nimina mipa singles inkhelah Lakshya Sen erawh semifinal thleng zo loin a zinkawng a tawp.

Olympic medal pahnih la tawh Sindhu-i'n a hma a ding Mariska Tunjung chu 23-21, 20-22, 21-11 in a hneh. India nula hian hnehna chang mah se a chak awlsam bik lo, thleng sang tur chuan khelh ṭhat lehzual a mamawh.

World champion hlui Sindhu hian quarterfinal-ah chuan, seed pangana Ratchanok Intanon leh Kirsty Gilmour inkhela chak zawk a hmachhawn leh ang, anni pahnih inkhel result hi kan hre hman lo.

Mipa singles lamah India beiseina Sen erawh Tien Chen lakah 21-16, 12-21, 21-14 in a chak lo. Thla hmasa lawk khan Thomas Cup group stage-ah player pahnih hi an intawng a, an inkhel pahnihah India tlangval a chak lo ve ve a ni.