Mizoram hmaah Karnataka

Vawiin chawhma dar 9:00 hian Mizoram leh Karnataka ten Khelo India Youth Games football semifinal an khel dawn. Semifinal hi Tau Devi Lal Stadium-ah khelh tur a ni a, tlai dar 4:00-ah Meghalaya leh Kerala ten semifinal hnuhnung zawk an khel ang.

Mizoram hian semifinal lut tur hian an match hmasa berah Kerala 5-0 in an sawp a, match hnihnaah Goa 3-0 a hneh lehin semifinal an lut. Knockout stage luh chian hnuah Punjab nen goal awm loin an inhnehtawk.

Mizoram manager R. Lalthawmmawia chuan, "Group match hnuhnung berah chak kan duh a, chutihrualin player inhliam hlauh vangin a ṭhen kan dah ṭha. Heti chung hian chance ṭha kan nei a, penalty hmuhna awm pawh kan nei a, kan vanduai bakah referee thutlukna hriatthiam a har ṭhin," tiin Vanglaini a hrilh.

Mamawia chuan sawi chhunawmin, "Kan khingpui tur Karnataka khel hi kan la hmu lo a, chutihrualin Meghalaya erawhin 1-0 in an hneh. Team pangngai tak an nih kan ring a, hneh ngei tumin theihtawp kan chhuah ang," tiin a sawi.

Mizoram team hi SYS coach Mamawia leh Lalbulliana ten an enkawl a ni.

Thlirna Tawi
Semifinal - Vawiin Inkhel Tur
Mizoram 9:00 AM Karnataka
Meghalaya 4:00 PM Kerala

Final - June 13, Thawhṭanni