Chak leh ngei kan tum - Hotshots coach

Team thar Mission Veng Hotshots an mikhual lo a, an match hmasa pahnihah Chanmari Vikings leh Tuikual South an hneh. Match thumnaah Zarkawt BCA erawh an ngam lo, zanin dar 8:30-ah Chawnpui an hmachhawn leh ang.

Hotshots coach David Lalruatfela chuan, "Kan intum kual vek dawn a, semifinal sawi nan chuan a la hma. Chawnpui erawh hneh ngei kan tum a, ka naute pawh an ṭhat theih dan berin kan rem leh dawn," tiin chak ngei an tum thu Vanglaini a hrilh.

Mission Veng team tan Eddie Zaithanmawia'n a thawh hlawk ṭhin. Center Eddie hian zaninah pawh hmun pawimawh a chang leh ngei ang. Joshua Aaron Keyes, Lalrozama leh Zonunsanga te awmna hian semifinal luh an duh a nih chuan zanina chak a pawimawh.

Chawnpui hian tualchhung player hlangin tournament an hmachhawn, an player tam zawk pawh Chawnpui mi an ni. Chak ni hmel la hmu lo mah se theihna erawh an nei, an khingpuite an chai tawk viau zel, mual sur aṭanga au phurtu fans an neih tam chuan chak an tum ngam ang.