Nations League-ah Spain leh Portugal an chak

UEFA hnuaia inelna Nations League chu khelh mek a ni a, Spain leh Portugal ten an khingpui Switzerland leh Czech Republic te an hneh. League A group 2-ah Portugal hi point sarih hmuin hmahruaitu an ni a, Spain hi pahnihnaah awmin point nga an hmu thung.

Estadio Jose Alvalade, Lisbon-ah Portugal-in Joao Cancelo leh Goncalo Guedes te goal hmangin Czech 2-0 in an hneh a, mualneitu tan Cristiano Ronaldo leh Bruno Fernandes te khel ṭha mah se goal an khung lo.

Inkhel dangah Spain-in minute 13-naa Pablo Sarabia goal hmangin Switzerland an hneh a, La Roja hian ball possession 66% neiin inkhel an thunun hle.

Zanin hian group ngaihven hlawh ber group 3 te an inlan dawn. England-in zanin dar 12:15 hian Molineux Stadium-ah Italy an mikhual ang a, Euro 2020 final rematch hmuh tur a awm ang. Puskas Arena Park-ah Germany leh Hungary te an inkhel bawk ang.