Wimbledon lawm-man a tam dawn

Tennis tournament upa ber Wimbledon atan lawmman tih pun a ni dawn. Mipa leh hmeichhe singles champion chuan pound maktaduai hnih an dawng dawn a, lawmman sem ral tur zawng zawng hi a vaiin pound maktaduai 40.3 a ni ang.

Hripui len hma, kum 2019 kha chuan singles champion hian pound maktaduai 2.35 an lo hlawh tawh. Mahse, hripui lengin kalphung a tibuai a, a hmuna entu an awm loh avangin nikum khan champion hian pound maktaduai 1.7 an hlawh.

Hripui lengin zaiawm lam a pan a, kuminah chuan fans pawh stadium khatin an lut thei dawn. Nikum lamah khan fans awm tawh mah se a lut thei zat bituk a la ni, tun season erawh hri len hma angin an awm leh thei tawh dawn a ni.