Kan hun a thleng dawn

Klay Thompson chuan NBA champion ni tura beisei an la neih thu a sawi a, tukin zinga game 4 an khelh turah hnehna chan ngei an tum thu a sawi chhuak - tukin dar 6:30 hian Boston Celtics mual TD Garden-ah an lenglut ang.

Golden State Warriors star Thompson chuan, "A nihna takah chuan game 2-ah kha chuan kan hneh lo, a khel ṭha zawk an nih avangin an phu ang ngeiin an chak, match lehpekah erawh chuan kan hun a inherchhuak ve tawh ang," tiin a sawi.

GSW hian Chase Center-a an inkhelh ṭumin chak loh an nei tawh bawk, tukinah hian an tlawm leh a nih chuan an kawng a harsa tawh dawn. Chuvangin an tan chuan game 4 hi a pawimawh takzet.

Stephen Curry a ke rek a hliam a, nimin thleng kha a dinhmun hi 100% chuan a la chiang lo. Mahse, American point guard hian enkawlna a dawn ṭhat avangin game 4 chu khelh ngei ngei a tum thu a sawi a, a fimkhur deuh erawh a ngai ang.

NBA Finals
Results & Fixtures
Game 1: Golden State 108 - 120 Boston Celtics
Game 2: Golden State 107 - 88 Boston Celtics
Game 3: Boston Celtics 116 - 100 Golden State
June 11, Inrinni
Game 4: Boston Celtics 06:30 AM Golden State
June 14, Thawhlehni
Game 5: Golden State 06:30 AM Boston Celtics
June 17, Zirtawpni
Game 6: Boston Celtics 06:30 AM Golden State
June 20, Thawhṭanni
Game 7: Golden State 06:30 AM Boston Celtics
(Celtics hian series-ah 2-1 in hma an hruai mek)