Grass-ah Medvedev a inkhel

Russia leh Ukraine buaina vangin Danill Medvedev hian Wimble-don a khel thei dawn lo. All England Club-ah inlan thei dawn lo mah se Russian tlangval hian grass court season erawh a hmang ta tho.

S-Hertogenbosch Open-ah Medvedev hi a inlan a, world number 2 hi seeded pakhatna pek niin a match hmasa berah hian Gilles Simon chu 7-5, 6-4 in a hneh. Round hmasa berah a bye avangin quarterfinal a lut fel nghal der.

Kum 26 mi Medvedev hian semifinal lut tur chuan Ilya Ivashka a hneh leh a ngai dawn. Last 16 inkhel dangah Ivashka hian Finland tlangval Emil Ruusuvuori chu 6-4, 6-2 in a lo hneh ve bawk.