EFL Awards an sem hnai

English Premier League hnuaia Championship, League One leh League Two inelna puala player-te award EFL awards chu April 9 khian London khawpuiah sem a ni dawn a, chawimawina dawng thei turte hming chhawpchhuah a ni ta.

Championship Player of the Year award dawng thei turin Leeds striker Chris Wood, Newcastle for­ward Dwight Gayle leh Brighton & Hove Albion winger Anthony Knoc­kaert-te hming chhawpchhuah a ni.

New Zealand international Wood hian Leeds tan season duh­awm tak hmang mekin league-ah goal 24 zet a khung sak tawh a, Magpies-in Premier League-a let leh ngei an tumna kawngah league match 28-a goal 21 khungtu Gayle a thawhhlawk viau bawk.

Leicester City winger hlui Knock­aert-a'n Brighton tan league-ah goal 13 a khung sak tawh a, beisei loh taka Brighton-in Champion­ship table-a pahnihna dinhmun an luah mekna kawngah an player pawimawh a ni.

League One lamah hmahruaitu Sheffield United lamin EFL awards-ah pawh ro an rel a, player of the year dawng thei tura hming chhawpchhuah pathuma pahnih Billy Sharp leh John Fleck chu Sheffield player ve ve an ni a, League Two lamah pawh player pathum zinga pahnih chu hmahruaitu Doncaster Rovers thawh an ni bawk.

EFL Player of the Year dawng thei tura chhawpchhuah
Championship: Chris Wood (Leeds United), Dwight Gayle (Newcastle United), Anthony Knockaert (Brighton & Hove Albion).
League One: Billy Sharp and John Fleck (Sheffield United), Josh Morris (Scunthorpe).
League Two: John Marquis and James Coppinger (Doncaster Rovers), Danny Hylton (Luton Town).
Young player: John Swift (Reading), Ryan Ledson (Oxford United), Ollie Watkins (Exeter City).