Kan thawhrim vang - Vettel

Sebastian Vettel chuan Mercedes team hneha For­mula 1 season bul ṭanna Australian Grand Prix-a hnehna an chang thei chu Ferrari thawhrim rah a nih thu a sawi chhuak.

Pathianni chhun khan Albert Park-ah Australian GP tlan a ni a, pole position aṭanga bulṭantu Mercedes driver Lewis Hamilton lehpelin Vettel hian hnehna a chang. German driver Vettel-a teammate Kimi Raikkonen chu palina a ni thung.

World champion vawi li ni tawh Vettel chuan, "Kan mamawh kan hmu, awih erawh a harsa zawk hial! Season thar bul ṭan tur hian kan inbuatsaih nasa em em a, a tawpah a rahchhuah kan hmu," tiin a sawi.

Ferrari hian tun hnai kum thum chhung chu Mercedes an elphak lo hle a, kuminah erawh pre sea­son aṭangin car an nei ṭha tih an lantir a, inelna tak an hmachhawnah pawh an chungnung. Kumina in­tlansiak pahnihna atan April 9 khian Chinese Grand Prix tlan a ni leh ang.