Khatla leh Mission Veng an chak

Willow Enterprise Mizoram Super League Season 7-ah Khatla TBL leh Mission Veng Hotshots ten hnehna an chang a, 'Play In' khel turin an dinhmun an siamṭha. Zirtawpni zan khan R. Dengṭhuama Hall-ah Khatla TBL-in Tuikual South 75-72 in an hneh a, Inrinni zan khan Mission Vengin Chawnpui 86-74 in an hneh ve bawk.

Khatla leh TKS an inhnehtawk a, TKS-in bul an ṭan ṭha zawk. Amaherawhchu TBL tan K. Lalthianghlima a che ṭha a, point 28 hmuin hnehna an chanpui. Mission Veng tan Josua Aaron Keyes (20 pts), Eddie Zaithanmawia (20) leh Zonunmawia (18) te an che ṭha a, Chawnpui BC lakah hnehna an chang.

Zaninah MSL inkhel a awm dawn lo a, June 14, Thawhlehni zanah champion lai Zarkawt BCA leh Tuikual South te an inkhel ang. A zawna vawi thum champion tawh BCA-in an khingpui an la hneh vek.